મારી માતા ની તોલે કોઇ ના આવે

મોટર,બસ ને બલુનમાં પણ પ્રથમ પૈસા પડાવે (૨)
પણ કેડમાં બેસાડી માતા મોરી (૨)આ સૃષ્ટિની સફર કરાવે.
-જગતમાં

સિનેમા પણ મહાશેતાની ભાઈ ખિસ્સા ખાલી કરાવે (૨)
પણ ગાંડીઘેલી માતા મોરી (૨) ગીત મધુરા ગાવે.
-જગતમાં

મન મારું માને દર્શન કરવા, નિત નવા ભોગ ધરાવે (૨)
પણ પૈસા વિનાનો પ્રસાદ માગુ તો,(૨) મને ધક્કા મારીને ધમકાવે.
-જગતમાં

કાયમી સીતા અને રામાયણના સેવાના પાઠ સંભળાવે,(૨)
યાદ કરું ઉપકાર માતાના,(૨) મારી આંખે આંસુડા આવે.
-જગતમાં

એક માતા જનમ દેનારી બીજી ધરતી માતા કહાવે (૨)
પુરુષોતમ કહે અંતે સૌને,(૨) મીઠી ગોદમાં સમાવે.
-જગતમાં