મીઠા લાગ્યાં તે મને

મીઠા લાગ્યાં તે મને આજના ઉજાગરા
જોતી’તી વ્હાલાની વાટ રે...
અલબેલા કાજે ઉજાગરો

પગલે પગલે એના ભણકારા વાગતા
અંતરમાં અમથા ઉચાટ રે...
અલબેલા કાજે ઉજાગરો

બાંધી મેં હોડ આજ નીંદરડી સાથ ત્યાં
વેરણ હીંડોળાખાટ રે...
અલબેલા કાજે ઉજાગરો

ઘેરાતી આંખડીને દીધાં સોગન મેં
મટકું માર્યું તો તારી વાત રે...
અલબેલા કાજે ઉજાગરો

આજના તો જાગરણે આતમા જગાડ્યો
જાણે ઊભી હું ગંગાને ઘાટ રે...
અલબેલા કાજે ઉજાગરો

મીઠા લાગ્યાં તે મને આજના ઉજાગરા